1. Цувж яваа хүн, амьтан, хөсөг тэрэг: галуун цуваа (а. Цувж яваа галуу - Галуун цуваа хөвөрсөн, голын ус мэлтгэнэсэн гоёхон намрын өнгө юмаа. Д.Цэдэв. Намрын өнгө; б. Хүний хагас суултаар галуун цуваа мэт явах нь), жингийн цуваа (цувж яваа жин), цэргийн цуваа (бие биеийн шилийг харан жагсаж яваа цэргүүд);

---

2. Юмыг дэс дараатай цувруулж бичсэн цэс, нэрсийн жагсаалт: цуваагаар байр эзлүүлэх (юмыг дэс дарааллаар байр эзлүүлэх), нэрсийн цуваа (нэрсийг цувруулж бичсэн жагсаалт);

---

3. Адуу малын жим зам: цуваа зам (малын жим зам), уваа цуваа [хоршоо] (а. Хэсэг хэсгээр цувж тогтсон байдал; б. Хүн, амьтны цувж явсан нь);

---

4. Галт тэрэгний нэг бүрэлдэхүүн: нэг цуваа галт тэрэг явж өнгөрөх (галт тэрэгний нэг бүрэлдэхүүн явж өнгөрөх).