1. Нар шингэх зүг: баруун зүг (нар шингэх зүг), баруун зүүн [хоршоо] (нар ургах, нар шингэх зүг) - Дөрвөн зүг байлдаж дайлан явахад баруун зүүн ба өмнө далайн хойгт хэдэн сарын газар хүнгүй тул тал маш олон болой. В.Инжаннаши. Хөх судар., баруун тийш (нар шингэх зүг рүү) - Шууд мориндоо мордон баруун тийш эхлээд хатируулснаа удалгүй цогиулав. Ч.Лодойдамба. Тунгалаг Тамир., баруун хойд (ертөнцийн зүгээр нар шингэх зүгээс жаахан хойно), баруун урд (ертөнцийн зүгээр нар шингэх зүгээс жаахан урд), баруун хойшоо (нар шингэх зүгээс жаахан хойд зүг рүү), баруун урагшаа (нар шингэх зүгээс жаахан урд зүг рүү) - Баруун урагшаа харвал шинэхэн байгуулагдсан нэгдэл рүү очдог зам бий. Б.Бааст. Хяруу унасан цагаар., баруунд гарах (а. Баруун зүг, баруун талд гарсан; б. Өрнө дахин, Өрнө Европын орон руу явсан);

---

2. [түүх] Улс төрийн талаар барууны талын үзэл баримтлал: барууны нугалаа (хувьсгалын үйл хэрэгт баруун жигүүрийнхний гаргасан алдаа завхрал), барууны үзэл (а. Эдийн засгийн өсөлтийг хангаснаар нийгмийн халамжийн асуудлыг шийдэхийг чухалчилсан үзэл; б. Хөрөнгөтний талыг баримталсан, хувийн өмчийг талархан дэмжсэн байдал), барууны хэлбэрэл (аливаа дэвшлийг хэт эсэргүүцэх үзэл), баруун жигүүрийн гэр [хуучирсан] (түшмэдийн хэрэг шийтгэх газар), баруун мэйрэн [хуучирсан] (Манж хятад цэргийн хошууны залан цолтонгуудын хоёрдугаарх нь), баруун хэлтэс [хуучирсан] (захирах яамны хэлтсийн нэр);

---

3. Юмны ич этгээд; зөв тал: баруун гар (а. Зөв гар, зөв тал; б. [шилжсэн] Шадар хүн, хамгийн дотно туслагч) - Дорж өвгөний баруун гар болсон хөгшин тогооч Лувсан ирэв. Д.Мягмар. Нийлэх замын уулзварт., баруун зүүнээрээ солих (гараас гарт шилжүүлэн бэлэн солих, бэлнээр наймаалах), *баруун зүүнгүй (баруун солгойгүй, аль аль талаараа), *баруун солгойгүй (а. Ажил хэргийг хийж гүйцэтгэхдээ дадамгай, сурамгай; б. Зөв буруу үнэн худлыг ялгахгүй; в. Баруун зүүнгүй), *баруун солгойгүй хүн (ямар нэгэн ажил үйлийг хийж гаршсан хүн).