1. Үйл ажлын амар, хөнгөн, энгийн: хялбар ажил (хөнгөн ажил) - Хоёр настай хүүхэд гар салгалгүй тэвэрч, хэдэн мод газар явна гэдэг тийм ч хялбар ажил биш байжээ. Б.Нямаа. Арандалынхан., хялбар арга (энгийн арга), хялбар асуулт (хөнгөн, энгийн асуулт), хялбар бодлого (энгийн, хөнгөн бодлого), хялбар болгох (хийж гүйцэтгэж, амар, хөнгөн болгох), хялбар бус (амархан, хөнгөн биш), бичихэд хялбар (бичихэд амар дөхөмтэй), хялбар дөхөм [хоршоо] (ямар нэгэн зүйлийг хийхэд хөнгөн хялбар, аятай таатай), амар хялбар ~ хөнгөн хялбар [хоршоо] (энгийн, хүнд биш, түвэггүй), хялбар бүтэх үйлгүй, бүтээж болохгүй зүйлгүй [зүйр цэцэн үг](тийм ч амар биш гэсэн санаа);

---

2. Худалдаа арилжааны юмны үнэ бага, хямд нь: үнэ хялбар байх (үнэ нь хямд байх), хялбар үнэтэй бараа (хямд, бага үнэтэй бараа), хямд хялбар [хоршоо] (а. Хямд төсөр; б. Үйл ажлын амар, хөнгөн, энгийн).