1. Гоёмсоглон гангалах дуртай, цэвэр цэмцгэр явдаг: хээнцэр бүсгүй (гоёмсог, дэгжин бүсгүй) - Сайн дураа хүрвэл хот газрын шөвгөр гуталтай хээнцэр хүүхэн ганцыг суулгаж мэдэх л юм гээд инээмсэглэв. Ж.Бямба. Их аяныхан., хээнцэр хүн (ганган дэгжин хүн), ганган хээнцэр [хоршоо] (гоёмсог дэгжин) - Тэднийх жирийн нэг айлаас ялгагдах ганган хээнцэр байдаггүй байв. Д.Гонгор нар. Д.Сүхбаатарын тухай дуртгалууд., гоорхог хээнцэр [хоршоо] (хүний ганган дэгжин байдал), дэгжин хээнцэр [хоршоо] (хүний маш гоё ганган хувцасласан байдал), хээнцэр хүү намар турах, хэнз ишиг хавар турах [зүйр цэцэн үг] (ганган хүн хавар намар даарах гэсэн санаа), хээнцэр хүн даараач, хээрийн бэлчээрт дуулаач [зүйр цэцэн үг] (цаг агаарын байдалд тааруулан хувцасла гэсэн санаа);

---

2. Эдлэл хэрэглэлийн хийц хэлбэр, хээ хуар нь гоё сайхан - Хээнцэр гоё иштэй тамга гаргаж ирэв. Л.Түдэв. Нүүдэл., хээнцэр хийцтэй цаг (гоё, чамин хийцтэй цаг).