1. Юмны хэвийн жишиг, зохих хэм хэмжээ, чадал чинээ, хэр зэргээс давах, илүү гарах - Да ноён та хэтрүүлж өчүүхэн надад хэрээс хэтэрсэн их шан хүртээж байна над тийм ид шид байхгүй шүү хэмээн Хатанбаатар дурамжхан инээж суув. С.Удвал. Их хувь заяа., нас хэтрэх (а. Хууль ёсоор ажил хөдөлмөр хийвэл зохих үеэс давах; б. Цэргийн алба хаах нас өнгөрөх), хэрээс хэтрэх (чадал чинээнээс ихэд давах) - Хэтэрсэн хэрэг даварсан зан байна даа. Яриа., тоо хэмжээнээс хэтрэх (тогтсон тоо хэмжээнээс илүү гарах, давах);

---

2. Тогтсон цаг хугацаанаас өнгөрөх - Одоо байгаа хөрөнгө маань арван тав хоногоос хэтэрнэ гэж үү? гэж хэлэв. Л.Түдэв. Уулын үер., болзоо хугацаанаас хэтрэх (тохиролцсон, тогтоосон хугацаанаас давах), чөлөөний хугацаа хэтрэх (чөлөө зөвшөөрөл авсан цагаас илүү гарах).