1. Хэрэгцээтэй юм: хэрэгтэй ажил хийх (чухал ажил хийх), хэрэгтэй зүйл (хэрэгцээтэй, хэрэг болох юм) - Бас хэрэгтэй зүйлээ олж авахад нь тусламж үзүүлэв. С.Эрдэнэ. Хонгорзул., хэрэгтэй ном (хэрэгцээтэй, хэрэг болох ном) - Манай номын санд хууль зүй, танд уншмаар хэрэгтэй ном монгол хэлээр байж магадгүй гэв. Удвал. Их хувь заяа., хэрэгтэй хүн (ажилд тустай, чухал хүн) - За ашгүй та бол манай монголд маш их хэрэгтэй хүн, нэр төртэй ч хүн. С.Удвал. Их хувь заяа., хэрэгтэй юм (хэрэг болох юм) - Ер нь би л хүн амьтанд хэрэггүйгээс биш, энэ муу трактор чинь хүнд хэрэгтэй юм гэдгийг ойлголоо. Д.Мягмар. Уянгын туужууд., хэрэгтэй юмаа авах (хэрэгцээтэй зүйлээ авах, хэрэг болох юмаа авах) - Гэртээ харьж хэрэгтэй үнэтэй ойр зуурын юмаа бэлдэж аваад, хөдөө холхон зүг буруулаад яв гэв. С.Удвал. Их хувь заяа., хэрэгтэй хэрэггүй [хоршоо] (янз бүрийн, зүйл зүйлийн) - Магсаржав аянаас ирэхдээ хүүхдүүддээ чихэр боов авчирдаггүй, харин ирснээсээ хойш пүүсэнд очиж өдий төдий чихэр боов хэрэгтэй хэрэггүй юм авч ирсэн байлаа. С.Удвал. Их хувь заяа., хэрэгтэй цагт (чухал цагт);