Юмыг өөрийн ажил төрөлд ашиглах, эдлэх - Мэдсэн цэргийн хүнийг мянган хоног тэжээж нэг өдөр хэрэглэдэг гэж үг байдаг, би энд хоёр жил тэжээлгэлээ. С.Удвал. Их хувь заяа., арга хэрэглэх (юмыг хийж бүтээхэд арга ухаан гаргах) - Бид аль болохоор зөөлөн ярьж элдэв зүйл ухуулан ойлгуулж янз бүрийн арга хэрэглэн цэрэг нэмэн элсүүлсээр байлаа. Ж.Дамдин. Үймээний жил., заль хэрэглэх (муу арга мэх гаргах) - Бэлэвсрэн үлдэх залуу хатныг нь бэлэн зэлэн олж авахаар шийдэж заль хэрэглэсэн ажээ. С.Дашдэндэв. Улаан наран., түлшинд хэрэглэх (түлш болгож ашиглах) - Аргалыг нь майхантай адил наманчлуулан хатааж түлшинд хэрэглэдэг тул оройхон явахад монгол нутагт яваа шиг аргалын үнэр ханхалжээ. Б.Ринчен. Өмнө этгээдэд зорчсон тэмдэглэл., хүчийг нь хэрэглэх (хүч хөдөлмөрийг нь завших), эд мөнгө хэрэглэх (эд мөнгө эдэлж явах), эрдмийг нь хэрэглэх (мэдлэг боловсролыг нь ашиглах), хэрэглэх болоход хэрмийн сүүл лан хүрнэ [зүйр цэцэн үг] (хэрэгцээ тулахад юм олдохгүй хясах: хэрэгтэй зүйлээ худалдан авах гэхэд их үнэ хэлж боох гэсэн санаа), хэрэглэх эрдэмгүй хүний ам нь хэрэггүй онгойсон нүхтэй адил, хэтэрхий эрдэмт хүний ам нь хээрийн бадам лянхуатай адил [зүйр цэцэн үг] (хүнд эрдэм мэдлэг эрхэм гэсэн санаа).