1. Гагцхүү хүний нэрийг асуух төлөөний үг - За чиний нэр хэн билээ? Аа, тийм, Сумьяа гээд нярав хүснэгтээс нэг юм харж байснаа төгрөг шажигнуулан тоолжээ. Л.Түдэв. Нүүдэл., хэн хэн [хоршоо] (хэд хэдэн хүний нэрийг асуух төлөөний үг) - Манайхаар сая хэн хэн ирээд явав? Ц.Ням-Осор. Юу гэнээ хөө., хэнийх (а. Хэний харьяаны болохыг лавлах үг - Та хоёр намайг энэ гурван хөвүүнийг яахин төрүүлэв, хэний хөвүүд бол гэж сэжиглэн хэлэлцэнэ. Сэжиглэх чинь зөв. Монголын нууц товчоо; б. Ямар хүний гэр болохыг асуух үг - Түүгээр чинь хэний хэнийх байдаг билээ? гэж Бадарч өвгөнөөс лавлан асуув. П.Хорлоо. Багш), хэн засав гэхээс биш, хэдэн өдөр засав гэдэггүй [зүйр цэцэн үг] (юмыг хийхэд цаг хугацаа чухал биш, хийсэн чанар нь чухал гэсэн санаа);

---

2. Хүнийг тэр энэ гэж тодорхой ялган нэрлэхгүйгээр заах үг - Залуус бөөгнөрөн хэн нь түүнийг манаж хонохоо мэдэхгүй баахан шуугьцгаав. С.Лочин. Газрын дуун., хэн бүхэн (цөмөөрөө, бүгд) - Энэ явдлаас хойш бүтэн жил өнгөрлөө. Ажлын дүн мэдээ хэн бүхний сэтгэлийг татаж байдаг үе. Г.Жамьян. Гал атгасан гар., хэн маань (өгүүлэгч, сонсогч хоёр этгээдийг хамран заах үг) - Үйлдвэрийн ажилчин, жолооч, багш, инженер болно гэхээс биш, галч болно гэж хэн маань ч хэлдэггүй байсан. С.Лочин. Газрын дуун., хэн мэдэх вэ (мэдэхгүй гэж баахан уцаарлах үг), хэн нэгэн (үл мэдэх нэг хүн) - Хоёр найзын нүд эрээн мярааныг өмссөн олон хүний дунд нэгээс нөгөөд шилжин, хэн нэгнийг хайна. С.Лочин. Сэтгэлийн өнгө., хэн тэгш (ялгаваргүй адил), хэн хүн (ямарваа нэгэн хүн) - Одоо нэгэнт олсон эрх чөлөөгөө алдахгүй байж хэн хүний зууш болохгүй сэн гэв. С.Удвал. Их хувь заяа., хэн хүнгүй (хэн хэнгүй, бүх хүн) - Бодвол хэн хүнгүй зодож занчиж залхаасан бололтой. С.Дашдооров. Говийн өндөр., хэн хэнгүй (өгүүлэгч биеэ бусадтай адил байрт тавьж хамран заах үг, бид бүгд) - Манай эндхийн зайтай зальтай, номтой номхон тэнэг донгио хэн хэнгүй шуугих нь шуугьж, очих нь очсон л байх. З.Баттулга. Уяхан замбуутив., хэн хэндээ (бие биедээ) - Хэн хэндээ муу санах зүйл баймааргүй сан. Н.Банзрагч. Зам., хэн ч (ямарч хүн байсан) - Сайн наймаачин панзчин хүн байна уу? гэхэд хэн ч дуугарсангүй, ядуу зүдүү улс юугаараа ч панз хийх билээ дээ гэж бодов. С.Удвал. Их хувь заяа., хэн ч гэсэн (хүн бүр) - Одоо чинь хэн ч гэсэн өөрийн ариун цагаан хөдөлмөрөөрөө амьдрах бүрэн боломжтой цаг юм. Н.Банзрагч. Зам., хэний янаагүй яриа (байгаа хүн цөмөөрөө, бүгдээрээ).