1. Хэлэх үйлийн нэр, хэлэх ярих явдал, явц;

---

2. Хэлэх, бичих арга барил, найруулга: хэллэг сайтай зохиол (бичих арга барил, найруулга сайтай зохиол);

---

3. Өгүүлбэрээс бага тогтмол утга санаа бүхий үгсийн холбоо: бичгийн хэллэг (бичигт тогтсон хэв маяг) - Тэр үеийн бичгийн хэллэгт ойртуулан ингэж орчуулав. Н.Батбаяр. Өндөрт хатгасан туг., түргэн хэллэг (хэл зүгшрүүлэх зорилгоор хурднаар унших, ярих, хэлэх бүлэг үг), хэвшмэл хэллэг (тухайн хэлэнд хэвшин хэрэглэгдэх болсон хэллэг), үг хэллэг [хоршоо] (үг яриа, тогтсон хэлж, бичих найруулга) - Аливаа улсын бичиг соёлын эрхэмсэг дээд найруулгад эрхэмлэн хүндэтгэсэн, өргөмжилсөн үг хэллэг их ордог. “Цог” сэтгүүл.