1. Хүн, амьтан, юмны гадаад байдал, дүрс, маяг янз: хэлбэр сайтай тэмээ (галбир сайтай тэмээ), хэлбэрээ олох (дүрс байдал нь тодрох) - Ийм жижигхэн атлаа хэлбэрээ олж, биеэ даасан хөөрхөн хот хаана ч үгүй байх шүү гэж нэг нь хэлэв. С.Лочин. Сэтгэлийн өнгө., хэлбэр галбир [хоршоо] (юмны гадаад янз маяг) - Хүүхэд шуухад гаргаад л хэлбэр галбир нь эвдэрч, нүүр царайд нь сэвх сэлт тогтож... Д.Цэдэв. Айргийн амт., хэлбэр дүр [хоршоо] (гадна төрх байдал), хэлбэр дүрс [хоршоо] (гадаад өнгө үзэмж, овор төрх) - Хэлбэр дүрс нь секунд тутам өөрчлөгдөж байгаа ган төмрийг ширтэн харна. С.Эрдэнэ. Хонгорзул., хэлбэр маяг [хоршоо] (хэлбэр дүрс, байдал), хэлбэр төлөв [хоршоо] (юмны дүр байдал), хэлбэр янз [хоршоо] (гадаад төрх);

---

2. Төрөл - Энэ мэтийн баримт үзэхэд, монгол хэлнээ роман гэдэг үргэлжилсэн үгийн том зохиолын хэлбэр хэдийн байсан ажээ. Б.Ринчен. Сандо амбан;

---

3. [шилжсэн] Юмны хийсэн байдал нь чанартай биш, өнгөцхөн: хэлбэр төдий (а. Бодит агуулгагүй гадар байдал төдий; б. Үнэн сэтгэлийн зүйл бус, өнгөц төдий), гадаад хэлбэр (юмны өнгөн тал);

---

4. Хэл зүйн нэгэн ай: хэлбэр судлал (бүтэц, зүй тогтлыг судалдаг ухаан), хэл зүйн хэлбэр (хэл зүйн утга агуулах хэл зүйн аргын нэгдэл).