1. Хүн, ачаа тээш зэргийн нэг тийшээ хазайх, хэлтийх - Сэлмээ сугалахыг завдах ба гэмин гэдрэг харан хэлбийнэ. Д.Нацагдорж. Нуугдсан эрдэнэ., ачаа хэлбийх (ачаа тээш нэг тийш хазайх, хэлтийх), хэлбийх хэлтийх [хоршоо] (юмны нэг тийш болох);

---

2. Нар, сарны баруунаа таших: нар хэлбийх (үд өнгөрч нар гудайх, таших) - Голыг өгсөн баруун зүг довтлон явсаар морьдоо цуцааж, нар баруунаа хэлбийх үес буудаллав. С.Дашдэндэв. Улаан наран., сар хэлбийх (сар гудайх);

---

3. Өнгөрөх: үд хэлбийх (үд өнгөрөх) - Зургаа дахь хоногийн үд хэлбийх үед, Хүрээний зүүн үзүүр хөлийн модчинд орж ирэв. Ч.Лодойдамба. Тунгалаг Тамир., шөнө дунд хэлбийх (шөнө дунд өнгөрөх) - Шөнө дунд жаахан хэлбийж байлаа. Ж.Пүрэв. Гурван зангилаа., *насны наран хэлбийх (өтөлж хөгшрөх);

---

4. [шилжсэн] Хүний бодол санаа аль нэг тал руу хандах, чиглэх: санаа нь хэлбийх (сэтгэл санаа нь хувирч өөрчлөгдөх).