1. Амьтны аюулхайгаас дооших хэсэг: хэвлий: хэвэл дүүрэх (а. Гэдсэн дотор хий дүүрэх; б. Идэш ихдэх, цатгалдах), хэвлийн сэлүүр (загасны хоёр хажууд буй биеэ залах, тэнцвэрээ олох эрхтэн), хэвлийн хальс (ходоод, гэдэс зэрэг дотор эрхтнийг бүрхэж байгаа нимгэн хальс: цагаан цорой), хэвлийн хөндий (хүн, амьтны биеийн хөндийн нэг хэсэг: ходоод, гэдэс, бөөр, элэг, дэлүү зэрэг эрхтний байрлах газар), гэдэс хэвэл [хоршоо] (хүн, амьтны биеийн өмнө талын зөөлөн хэсэг), хэвлээр явагчид [амьтан] (мөлхөгчдийн өөр нэр, сээр нуруутны нэгэн анги), хэвэл хөлтөн [амьтан] (далай тэнгис, цэнгэг усанд болон хуурай газар ч амьдардаг зөөлөн биетний хүрээний амьтад);

---

2. Хүүхэд орших сав буюу хүүхэн хэвтэш: эхийн хэвэл (эхийн хүүхэд орших сав) - Хэвэлдээ тээсэн эхийн хэтэрхий ачийг мартаж хэдэр үгээр гомдоовол хэзээ ч баясаж чадахгүй. Монголын нууц товчоо.