Дээлийн гадуур давхарлан өмсөх охорхон хувцас, хэлбэр маяг олон янз: богино хүрэм (оготор хүрэм), булган хүрэм (булганы арьсаар хийсэн хүрэм), морин хүрэм (уртхан хүрэм), нэхий хүрэм (нэхийгээр хийсэн хүрэм) - Гэрийн эзэн хувцасны шүүгээнээс нэхий хүрэм гаргаж ирлээ. С.Эрдэнэ. Малын хөлийн тоос., онондой хүрэм (ханцуй нарийн, оготор хүрэм), савхин хүрэм (савхиар хийсэн хүрэм) - Гар чинь даарна даа! гэж трактор барьж яваа савхин хүрэмтэй залуу хэллээ. Ч.Чимид. Хавар намар., торгон хүрэм (торгоор хийсэн гадуур хувцас) - Торгон хүрэмтэй нэг тарган шар хятад хаалгаар гарч ирэв. Ж.Пүрэв. Гурван зангилаа., хөвөнтэй хүрэм (хөвөн тавьж хийсэн хүрэм) - Намрын хурц нарыг тоосон янзгүй хөвөнтэй хүрмэн дээр өргөн суран бүс бүсэлж, тайрмал үсээ ил гарган дугуй хар малгайг хэлтгий тавьжээ. С.Лочин. Сэтгэлийн өнгө.