1. Үйл хэргийг төгсгөх, дуусгах: ажлаа барах (ажлаа дуусгах) - Үхнэ гээд ажлаа барах. Ж.Дашдорж. Монгол цэцэн үгийн далай., бичиж барах (бичиж дуусгах), ууж барах (ууж дуусгах), хийж барах (хийж дуусах), үгээ барах (а. Хэлэх үггүй болох - Ингээд яваад өгөхөөр жаахан үглэж, үгээ бараад хоцордог юм гэж санаж байна уу? З.Сандагаа. Эр бор харцага; б. Яриагаа өндөрлөх; в. Цөхрөх), *үл барам (тэр ч байтугай) - Хүндэтгэлийн үг бол зөв боловсон харилцаанд чухал үүрэгтэйгээр үл барам хүмүүжлийн ач холбогдолтой байдаг. Р.Жагварал. Монгол хэлний хүндэтгэлийн үг., барах юманд багшгүй, эвдрэх юманд эзэнгүй [зүйр цэцэн үг] (а. Аливаа юм, үйлийг бүтээхэд бэрх боловч бүрэлгэхэд хялбар; б. Хэргээс зугтааж мултрах);

---

2. Үхэх, үгүй болох: бие барах (нас барах), нас барах (үхэх) - Энэ амыг дагаж эх чинь нас барах нь. Ч.Лхамсүрэн. Хүрэн морь;

---

3. Зовж зүдрэх; мухардах: арга аашаа барах (яах ийхээ мэдэхээ болих), аргаа барах (мухардах) - Аргаа барахад энэ жилийн сүүг аргалчихвал хойтон арга нь олдох байгаа. П.Лувсанцэрэн. Хөдөөгийн дуун., үйлээ барах (зовж зүдрэх);

---

4. Нэр хүнд муудах, гутах: нэр нүүрээ барах (олонд хүндгүй болох, муу хэлэгдэх), нэр хүндээ барах (нэр нүүрээ алдах), үнээ барах (нэр хүндээ алдах);

---

5. Чадах, дийлэх.