Хэвлийн өмнө этгээд хүйн угаас үлдэж хоцорсон сорви: хүний хүйс хонхор, бусад амьтны хүйс тэгш, бяцхан товгор байдаг: хүй I, хүйлс: хүйс татах (төрөл саднаа бодож дотночлон үзэх), хүйсийн цөнхрөг (хүний хүйсийн нүх), хүй хүйс [хоршоо] (хүн амьтны гэдэсний гол төв), *хүйс тэмтрэх (хүнийг, өрх гэр, үндэс угсаагаар нь бүрмөсөн үгүй хийх, устгах) - Манай ангийн буу зэвсэг, агт морьдыг авсан уу, та нар одоо даруй надад тушаахгүй бол хүйс тэмтэрнэ гэв. С.Удвал. Их хувь заяа.