1. Хүн, амьтан зэргийн олноор цугларсан бөөгнөрсөн хэсэг бүлэг юм: хүй ертөнц (хөгжлийнхөө явцад материйн олж авдаг тоологдомгүй олон хэлбэртэй, орон зай, цаг хугацааны хувьд хязгааргүй оршин буй бүх материаллаг ертөнц) - Хүй ертөнцийн савд хүний сэтгэл гэдэг хэмжиж барьж болдоггүй учир сэтгэлээр хөтлөгдсөн хоёр, уулзах учрах зай завсрыг замбуутивийн хаахна ч бол ололцоно. Б.Өлзийсүрэн. Замын хүзүү., хүй их (маш их), хүй их хөрөнгө (маш их хөрөнгө) - Сувд авгайн хүй их хөрөнгийг хураамжлан эзэгнэв. З.Баттулга. Уяхан замбуутив., хүй олон (үй олон), хүй хүй (цугларан хурсан бүлэг юм), хүй хүй салхилах (салхи үе үе бүрхийн салхилах), хүй хүйгээр (бөөн бөөнөөр, хэсэг хэсгээр), хүй хүйгээр дүйж худалдах (бөөн бөөнөөр дүйж худалдах), хүй хүйгээр хэсэг мод (бөөн бөөн хэсэг мод), хүйгээр хүйгээр юм авах (бөөн бөөнөөр нь юм авах), хүй цагаан манан (бөөн цагаан манан) - Одод түгээд, намрын шөнийн хүй цагаан манан бужигнан, уяаны хэцэнд эзнээ хүлээн амгай хэмлэн зогсох морьдын эмээлийн хяр сарны гэрэлд гялбан гялалзаж байлаа. Б.Догмид. Цэнхэрлэн харагдана., нэг хүй айл (нэг бөөн хэсэг айл), гацаа хүй [хоршоо] (бага шиг суурин газар);

---

2. Ургамлын нэг бут, үр үндэс: хүй хүйгээр ургах (ургамал мод бут бутаар ургах);

---

3. [шилжсэн] Гол төв, чухал газар: зам харилцааны хүй газар (зам харилцааны гол, чухал газар).