1. Хүн болон хөхтөн амьтны умай дахь ургийг харвистай холбосон судсархаг эрхтэн: хүйс, хүйлс - Үүнийг харж байна уу? Хөхсөн хөх чинь энэ байна. Хавиргаа хазан хадрагчид, хүйгээ хүчирхэн таслагчид! Монголын нууц товчоо., хүй бүтэн (хүүхэд нь эндэлгүй төрсөн, эрүүл энх), хүй муутай (үр хүүхэд нь тогтохгүй, амархан энддэг), хүй огтлох (сая төрсөн хүүхдийн хүйг юмаар огтолж, эхийн хүйгээс салгах), хүй сайтай (үр хүүхэд нь эндээгүй, эсэн мэнд), хүй цөглөх (хүүхдийн хүйн уг унах), хүйн үжил (төрөх, төрсний дараах үед ариун цэврийн дэглэм алдагдсанаас нярай хүүхдийн хүйгээр халдвар орж, цусаар дамжин үүсдэг өвчин), *хүй нэгтэй (далд холбоотой, сүлбээтэй) - Богд гэгээн түүний Эрдэнэ Шанзав Дашдорж, миний гачин хамба цөм хүй нэгтэй байгаа юм шив дээ. Б.Ринчен. Үүрийн туяа;

---

2. Хүн, амьтны хэвэл дэх огтлогдсон ором: хүйсийн нүх;

---

3. Яс цусны ах дүү, төрөл садан: хүй зузаан (а. Ах дүү өнөр олуулаа; б. Хүй бүтэн), хүй тасрах (төрлийн үе холбоо тасрах, үр үндэс нь тасрах), хүй татах (төрөл садандаа дотносон ойртох), хүй элгэн эвдрэлцвэл, хөндлөн хүний идэш болох [зүйр цэцэн үг] (ах дүүс муудалцаж болохгүй гэсэн санаа).