1. Хүзүүнээс нь барих, хүзүүгээр нь тэврэх - Янжин эцгээ хүзүүдэн тэвэрч хацраа наалдуулан байх нь яг л ийм хариу хүлээж суусан бололтой. Ч.Чимид. Хавар намар., хүзүүдэн үнсэх (хүзүүгээр нь тэврэн үнсэх) - Гуйван босож, эхнэрийн дэргэд очоод түр зогссоноо, хүзүүдэн авч үнсээд харвал, ичих айхаа мартсан хоёр бор нүд харцтай нь тулгарав. Ч.Лодойдамба. Тунгалаг Тамир., тугал хүзүүдэх (тугалын хүзүүнээс нь барих), хүүхэд аавыгаа хүзүүдэх (хүүхэд аавынхаа хүзүүгээр тэврэх), *аман хүзүүдэх (уралдаанд хоёрдугаар байрт орох) - Ноднин жилийн наадмаар аман хүзүүнд давхиж залуу эзнээ баярлуулав. “Цог” сэтгүүл;

---

2. Юмны амсрын доорх, нарийн шувтан талаас барих: хурган лүүг хүзүүдэх (архины бяцхан савны амсрын доод, нарийн талаас барих) - Мөнөөхөн хурган лүүг хүзүүдэн авчраад тагийг нь ховх татаж үндсэн тагш руу үл мэдэг тонгойлгов. Б.Чойндон. Галбын говьд.