1. Агаарт утаа, униар холилдон дэгдсэн манан будан: хүдэн татах (алсад хүдэн суунаглах) - Хүдэн татсан сарьдаг байна хө, хүний нутгийн хангай юу даа хө. Ж.Бадраа. Жаргаах зүрхэн., хүдэн тунах (агаарын уур газар буух, чийггүй хуурай манан бүрхэх), будан хүдэн [хоршоо] (агаарт утаа, тоос дэгдсэн байдал) - Уулсын оргилтой будан хүдэн янаглаж, усны мандалд мөсөн зайр тэврэлдээд, ургамал ногоо халиуран хөгширч, усны шувууд зангаа хувилгана. Л.Түдэв. Нүүдэл., манан хүдэн [хоршоо] (газарт буусан болон газраас дэгдээгүй, уур бүхий тунгалаг биш агаар) - Тэртээ зах нь бараагүй цэнгэг нуур мэлтийнэ, тэнгэр нуур хоёрыг манан хүдэн холбоно. Б.Жамд. Сэтгэлийн нууц;