1. Муурын овгийн, эрээн бидэрт арьстай, сүүгээр бойжигч зэрлэг араатан: бар ирвэс [хоршоо] (мийн овгийн хүчирхэг махчин араатан) - Бар ирвэс тэргүүтэн ойн хүчтэнээр хүрээлүүлэн суугаа ойн хаан хүрэн тахийг чи эс харна уу! В.Шарма. Таван сургамж., барын зулзагыг бага дээр нь [зүйр цэцэн үг] (муу хэрэг явдлыг даамжрахаас нь өмнө таслан зогсоох гэсэн санаа);

---

2. Сарны зурхайн арван хоёр эрхтний гурав дахь нь: бар жил (билгийн тооллын арван хоёр жилийн гурав дахь нь буюу бар эзэлсэн жил), бар өдөр (бар эзэлсэн, тохиосон өдөр), бар сар (хаврын тэргүүн сар) - Бар сард барын дуу гарч, ороо нь орон үс нь дэлгэрнэ. Яриа., бар цаг (03 цаг 40 минутаас 05 цаг 40 минут хүртэлх хугацаа);

---

3. [шилжсэн] Хав чадал, хүч тэнхээ: эр бар [хоршоо] (үлэмж давуу хүч чадал, давамгайлал) - Та нартаа л эр бар бий. Л.Түдэв. Уулын үер., бар цоохор цахилдаг [ургамал] (үндсийг нь цанх, цагаан хорхой арилгахад хэрэглэнэ); 

---

4. [шилжсэн] Буурай хөгжилтэй байгаад богино хугацаанд өндөр хөгжилтэй болсон улс: азийн бар (Сингапур, Өмнөд Солонгос, Тайвань зэрэг орон), барын сүүл болсноос батганын толгой болсон нь дээр (бусдын эрхэнд жаргахаар өөрийн эрхээр зов).