1. Хонгор зүсэмтэй ойролцоо, шаравтархан бөгөөд дэл сүүл нь бараавтар өнгөтэй, адууны нэгэн зүйл зүсэм - Гучин насандаа отголсон хул морь нь наадмын уяа эхлэнгүүт л шон дээр ирж байнга зогсдог болжээ. Д.Цэдэв. Айргийн амт., Ганган хулыгаа унаж явлаа, Гандангийн үүдээр галгиулж явлаа хө. Монгол ардын дуу., хул алаг (хул зүсэм дээр цагаан өнгө алагласан зүсэм), хар хул (хар дээр шаравтар өнгө холилдсон зүсэм), хул шар (шав шар өнгө), шар хул (хонгордуу шар зүсэм);

---

2. Улбардуу бор шар өнгө: хул торгон дээл (шав шар өнгөтэй торгон дээл), Өндөр захтай луу хээтэй хул торгон дээл, хүрэн одончуу юүдэн, давхар сарьстай наамал гутал өмсөж, дарьганга хийцийн мөнгөн хутга зүүсэн байлаа. С.Эрдэнэ. Малын хөлийн тоос., хул орд [зурхай] (тэнгэрийн хойд хагасын, жижгэвтэр одны орд).