Үнэр анхилуун, навч ногоон наалдамхай, иш урт, цэцгийн өнгө цагаан, хар цоохор, хонгорцоггүй, үр чавга мэт, үндэс нь гарын таван хуруутай адилавтар, улаан зандантай адил эмд ордог өвс; хонголзуур: байгалийн банздоо (15-60 см өргөн бүдүүн иштэй, захаараа олон хурц шүдтэй, өргөстэй, урт юлдэрхүү, гонзгойвтор, навч нь ишний угийн ба доод хэсэгт далавчлаг бариултай, бараавтар нил өнгийн багцагтай, уулын намагтсан нуга, ян, горхийн эрэг дагаж ургадаг), дорогостайн банздоо (урт цагаан үсэн бүрхүүл нь нүцгэрдэг, навч олонтой, өндөр нь нэг метр хүрдэг, ишний бүдүүн нь 1.52 см, навч гонзгойвтор өндгөн, хүрэн багцагтай, өндөр уулын чулуулаг асганд ургадаг), нөмрөгт банздоо (23 см бүдүүн иштэй, 30 хүртэл см өндөр ургадаг, захаараа бяцхан хөрөө шүдэт гонзгойвтор навчтай, ишний оройд нийлмэл багцагтай, тагийн бүслүүрийн багцаг).