Хүч нэмэгдүүлэх сул үг: хуга буудуулах (тас буудуулах) - Энэ тулалдаанд суман дарга Самбуу гараа хуга буудуулан шархдан үлджээ. Ж.Дамдин. Үймээний жил., хуга дарах (нуга дарах), хуга дэлсэх (огцом цохих) - Далны нь маяаг хуга дэлсээд, газарт л шаачихав гэнэ. Халх ардын тууль., хуга мушгих (хугартал мушгих) - Хөөрхий муу Очир бүдүүн хангал тэхийн хүзүүг хуга мушгиж чаддаг байлаа. Л.Түдэв. Уулын үер., хуга татах (огцом татаж хугалах) - Арван хоёр зандаар ороосон ишийг арван хоёр хэсэг хуга татав. Жангар., хуга үсрэх (хүчтэй цохиж хугалахад, хугарсан үзүүр нь ойж хол үсрэх), хуга хөлдөх (тэс хөлдөх) - Сарьдагийн оргилууд цаг үргэлж шилмэлтэн бударч, цагаан жавар маналзаад бургас монос хуга хөлдөн, тас няс хийх чимээ сонсогдоно. Б.Нямаа. Арандалынхан., хуга цохих (ямар нэгэн юмыг огцом цохиж хугалах) - Нүүр амыг минь булуу болтол нүдэж, өрөөсөн гарыг минь хуга цохиод... П.Хорлоо. Багш., хуга нуга [хоршоо] (ямар нэгэн зүйлийг огцом хугалах нугалах нь) - Түүгээр савсан гарсан утаа жавар салхинд хуга нуга цохигдон замхарч байна. Ц.Уламбаяр. Зовлон жаргал.