1. Өв хөрөнгө, өмчлөл: хувь өгөх (а. Өмч салгах үед оногдох өв хөрөнгийг нь олгох; б. Адил тэгшээр хэсэглэн хувааж, тус бүрд нь нэгэн хэсгийг хүртээх), хувь олгох (өв хөрөнгө, өмч өгөх) - Хүрээ хийдийн хөрөнгө малаас найман бодын хувь олгоно. Б.Чойндон. Галбын говьд., хувь хөрөнгө [хоршоо] (оногдсон эд хогшил болон мал) - Тэр хоёр асууруун: -Та хэчнээн бод малын хувь хөрөнгө оруулах юм бэ- гэхэд өвгөн гайхаж асуув. С.Буяннэмэх. Түүвэр зохиол., өв хувь [хоршоо] (эцэг эх, өвөг дээдсийн эд хөрөнгөөс тухайн хүнд ноогдох хэсэг), өмч хувь [хоршоо] (өмчилж авсан өв хөрөнгө) - Эцгийн өгсөн хувь хишиг буюу өөрийн олсон зөөсөн морь юм хэдий байвч, өмч хувиас бидний заасан хэмжээгээр авч бэлтгэж иртүгэй! Монголын нууц товчоо., хувь ноогдол [хоршоо] (а. Оногдох өв хөрөнгө, ноогдсон хувь; б. Тухайн пүүс компаны ашгаас авах ёстой хувь);
--oOo--