1. Буддын шашинд Богд гэгээн, хутагт нарын нас нөгцсөний хойно сүнс нь дахин төрөл олсон дүр: хувилгаан дүр (гэгээн, хутагт нарын хойд дүр), хутагтын хувилгаан (хутагтын хойд дүр) - За тавдугаар богдын хувилгаан гэгч маань энэ хүн юм биз дээ! Ж.Дамдин. Үймээний жил;

---

2. Төрсөн төрх байдал, овор дүр, зан ааш нь тун адил хүн

---

3. Юманд хувилж чаддаг, чадал бүхий зүйл: бурхны хувилгаан (бурхны дүрд хувилсан нь), тэнгэрийн хувилгаан (тэнгэрийн хүч чадалд хувилж чадсан нь), хувилгаан багш (нууц эрдэм чадал, номын хүч ихтэй багш) - Та явж хувилгаан лам багштангаас аврал эрж ирвэл чадах байна уу. С.Буяннэмэх. Түүвэр зохиол., хувилгаан лам (эрдэм номтой, чадалтай лам) - Хүний далд бодсон санааг мэддэг хувилгаан лам яваа гэнэ. Ж.Пүрэв. Гурван зангилаа., хувилгаан эм (өвчнийг маш сайн дардаг, хүчтэй эм), хувилгаан эмч [яриа] (мэргэжилдээ гаршсан сайн эмч), рид хувилгаан [хоршоо] (а. Шашны номд гүн нэвтэрч ид шидийг олсон эрдэм төгс хүн; б. Номын хүчээр гайхамшгийг үзүүлэх нь), хувилгаан сахиус [хоршоо] (а. Хувилах эрдэм чадал, чадвар, онцгой авьяас; б. Онцгой) - Монгол цэргийг үзвээс хүн нь цөм хувилгаан сахиус мэт толгой их, бие өндөр, дуу чанга, байдал сүртэй, нэн хуяг дуулга цахилам шинэ, морь эмээл тарган өнгөтэй, цэргийн зүс хүдэр хурц, анги тэгш ялгавартай, зарлал тэмдэг гэгээн тодорхой, нэн хатуу нум, их сүх үнэхээр олноос онцгой. В.Инжаннаши. Хөх судар.