1. Хатгах, цавчих зэргээс хамгаалах халхавч, хаалт; дугуй дөрвөлжин янз бүр хэлбэртэй байдаг - Зургаан сайд хуягаа өмсөж, бамбайгаа зүүж байтал дайсны цэрэг хүрч ирэв. Монголын нууц товчоо., бамбай халхавч [хоршоо] (хаах, хамгаалах зүйл) - Таван тохой өндөр барсын тэргүүний бамбай халхавч босгов. В.Инжаннаши. Хөх судар., илд бамбай [хоршоо] (гар тулалдаанд байлдах зэвсэг хэрэглэл), хаалт бамбай [хоршоо] (хориглох, халхлах зүйл), бамбай хоншоорт [амьтан] (толгой дээгүүрээ том том бамбай хайрстай, мэрэгч шавжаар идэшлэдэг нэг зүйл хорт могой), бамбай булчирхай (төвөнхийн төгсгөл цагаан хоолойны эхлэл дээр байрлах уян хатан хос гүвгэр булчин, дотоод шүүрлийн хос булчирхай), бамбай галт уул (орой бөмбөгөрдүү, хажуу нь урт намхавтар галт уул) бамбай мөгөөрс (хоолойн тус газар байдаг том мөгөөрс);

---

2. Төмөр замын вагоны залгаа, холбоост хийсэн мөргөлдөхөд доргих хүчийг сулруулах жийргэвч болох хэрэгсэл: төмөр бамбай (төмрөөр хийсэн жийргэвч);

---

3. Дайнд урьдчилан оруулах буюу халхавч болгон оруулах цэрэг: бамбайд явах (халхавчаар явах);

---

4. [шилжсэн] Хүнийг халхавч, хамгаалал болгон ашиглах нь - Эндхийнхнийг бамбай болгон монгол руу түрээд орчихлоо. Г.Дүйнхэржав. Арилшгүй мөр., бамбай барих (халхавч хийх, хэн нэгэн эрх дархтаны нэр сүрийг ашиглах) - Чи битгий хүнээр бамбай бариад байгаарай. С.Эрдэнэ. Холбоо гурван тууж.