1. Агаарт дээшлэх, дэгдэх - Нар тусангуут шөнийн чийгт нам газар огшсон утаа алгуурхан хөөрч эхлэв. С.Эрдэнэ. Түймэр., онгоц хөөрөх (онгоц газраас хөндийрөн дээш нисэх), нар хөөрөх (нар өндөрт гарах), манан хөөрөх (манан дэгдэж алга болох, манан дээшлэх) - Хөвсгөр цагаан манан хөөрөн хөөрсөөр сарнихуйяа. Ж.Бямбаа. Их аяныхан., үүл хөөрөх (үүл дэгдэх, дээшлэх), үүл хөөрвөл бороо орох, үг хөөрвөл хэрүүл болох [зүйр цэцэн үг] (хүний яриаг тэвчээртэй сонсож сур, хэтэрвэл хэрүүл болдог гэсэн санаа);

---

2. Сүү зэрэг шингэн буцлан даргих, хөөсрөх: сүү хөөрөх (сүү буцлан хөөсөрч дээш гарч ирэх);

---

3. Малын үс ноос хөндийрөх: малын ноос хөөрөх (малын үс ноос суларч хөндийрөх) - Ингэж хөлөргөсөн хонины ноос нь зунгаг сууж сайн хөөрдөг. Ж.Самбуу. Мал маллагааны арга туршлага.