1. Юмыг хөдөлгөх, хүрэлцэх, өдөх - Хамт явсан нөхөр нь дэмий үг хэлж түүний сэтгэлийн шархыг хөндөж орхив. С.Лочин. Сэтгэлийн өнгө., эмзэг газрыг нь хөндөх (а. Эмзэг өвчтэй газар нь хүрэх; б. [шилжсэн] Ярьж болохгүй буюу хүний сэтгэлийг тавгүйрхүүлэх сэдвээр ярих), үг хөндөж асуух (үг сэдэж асуух) - Чиний яриа явсаар байгаад нийгмийн том асуудлыг хөндлөө. Д.Маам. Тэмээний дууль;

---

2. Хүндтэй идээнд эхэлж гар хүрэх;

---

3. Газар усанд хамаа бус халдах: газар хөндөх (тахилга шүтээнтэй, онгон газар нутгийн хөрсөнд зүй бусаар хүрэх);

---

4. Шагай няслах, шүүрэх үед халти шүргэх;

---

5. [шилжсэн] Хүний эрхэнд зүй бусаар халдах: хүний нэр төрийг хөндөх (хүний нэр төрд халдах);

---

6. [шилжсэн] Малаа агтлах, имнэхийн хүндэтгэл: үрээгээ хөндөх (үрээгээ агтлах).