1. Эд юмны амсар, зах, ирмэг: аяга шаазангийн хөвөө (аяга шаазангийн амсар), малгайн хөвөө (малгайн хүрээ);

---

2. Хувцас эдлэлийн зах, ирмэгийг мөшгөөрлөн тавьсан эмжээр, хээ: дээлийн хөвөө (дээлийн мөшгөөр тавьсан эмжээр), эмжээр хөвөө [хоршоо] (хувцас эдлэлийн ирмэгийг барьж оёсон юм);

---

3. Юмны хоёр хажуу зах: голын хөвөө (голын зах) - Нисман хааны сүйх тэргэн дээр очиж голын хөвөөн дээр түр саатан амрахыг сануулахад хаан зөвшөөрөв. Ш.Нацагдорж. Мандхай цэцэн хатан., замын хөвөө (замын хажуу), зах хөвөө [хоршоо] (юмны ирмэг амсар хэсэг);

---

4. Далай, тэнгис, нуур, гол, мөрний зах, хязгаар: далайн хөвөө (далайн зах, далайн эрэг), мөрний хөвөө (мөрний захын хоёр этгээд) - Номин цэнхэр тэнгэрээс үдийн наран шаравч өргөн мөрний хөвөөнд сэрүү татаад тааламжтай байлаа. Ж.Бямбаа. Их аяныхан., хөвөө хаяа [хоршоо] (юмны эрэг, хаяа) - Мөнхрөн цэлийх тэнгэрийн хаяа хөвөөг баганадаж харагдана. Б.Явуухулан. Түүвэр зохиол.