1. Санал хүчээ нэгдэн хавсарч, эд хөрөнгөөр буюу биеийн хүчнийг хамтруулан бие биедээ туслах зорилгоор байгуулсан нэгдэл: хоршоодын холбоо (хамтын нэгдэл, холбоо), хоршооны гишүүн (хоршоонд сайн дураараа элссэн хүн), харилцан туслалцах [хоршоо] (эд хөрөнгөө нийлүүлж хамтран байгуулсан хэрэглээний хоршоо), хувь нийлүүлсэн [хоршоо] (хувь хөрөнгөө хамтруулсан хамтын нэгдэл), хоршоо холбоо [хоршоо] (хамтран байгуулсан нэгдэл);

---

2. [хуучирсан] Дэлгүүр - Хоршооны хашааны үүдээр хүн мал овооруулж, уурлуулахыг нь уурлуулж, баярлуулахыг нь баярлуулж байна. П.Лувсанцэрэн. Хөдөөгийн дуун., хоршоонд очих (дэлгүүрт очих), хоршоонд түүхий эд тушаах (дэлгүүрт түүхий эд тушаах), хоршоо дэлгүүр ~ дэлгүүр хоршоо [хоршоо] (эд бараа зарж борлуулах газар) - Лам харгүй холбогдож нийлэн хоршоо дэлгүүр тонож дээрэмдэв. Г.Батаа нар. Онцгой даалгавартан., хоршоо худалдаа [хоршоо] (а. Юм зарж борлуулах явдал; б. Юм зарж борлуулах газар);

---

3. Найз нөхөр: гэмт хоршоо (гэмт бүлэглэл), хоршоо нөхөр [хоршоо] (найз нөхөр, ажил хэргийн хамсаатан) - Аа золиг, энэ чинь Магсар хурцын хүү Дугаржав байна. Сүхбаатарын хоршоо нөхөр мөн гэж хэлэв. Л.Түдэв. Хувьсгал танаа өчье.