Хэвлэх


2025-08-19 11:16:18http://mongoltoli.mn/

ХОРИХ

1. Хориглох, саатуулах: гажуу бурууг цаазлан хорих (гажуу бурууг цаазлан хориглох), хэрүүл зодооныг ятган хорих (хэрүүл зодооныг ятган хориглох, болиулах), нохой хорих (нохойгоо барих, хүн рүү давхиулахгүй байх) - Мөн гэрээс Сүнжидмаа гарч нохой хорив. Д.Нацагдорж. Шувуун саарал., хорьсон юм хужир, дарсан юм дарс [зүйр цэцэн үг] (нууж хаасан юм сонин байдаг гэсэн санаа);


2. Хаах, боох: адгуус малыг хашаалан хорих (адгуус малыг хашаанд хаших), усны урсгалыг хорих (ус урсгалыг хааж боох) - Үхэр малын хүйдсийг саравчны хоёр шанаанд салхи шуурга хорих хаалт болгов. Ж.Дамдин. Үймээний жил;
3. Хорио цээр тогтоох, байгуулах: хөл хорих (хорио цээр тогтоох) - Намайг айлын бэр болгон богтлох гээд хөл хорив бололтой. З.Баттулга. Уяхан замбуутив., явахыг нь хорих (хөл хорих, явахыг нь болиулах), чандлан хорих (хатуу хориглох) - Эцэг эхчүүд охидоо шөнийн цагаар гадагш гарахыг чандлан хорьдог тул хүмүүсийн дотор сэрхийн бие биеэ харна. Д.Намдаг. Цаг төрийн үймээн;
4. Цагдах, цаазлах: хорих ял (гэмт хэрэг хийсэн этгээдийг хуульд заасан тодорхой хугацаанд нийгмээс тусгаарлан засан хүмүүжүүлэх хөдөлмөрийн байгууллага эдлүүлдэг эрүүгийн ял), гянданд хорих (гянданд хийх, шоронд байлгах) - Түүхийн дурсгал хэн хүн эвдвэл торгууль таван мянган рупи эсвэл гурван сар гянданд хорих болно гэжээ. Б.Ринчен. Өмнө этгээдэд зорчсон тэмдэглэл., хорих өөш (урсгал усанд загас барих хэрэгсэл).

--oOo--