Гэм, хөнөөл, аюул зовлон: хор амсах (хохирох, хорлолд учрах), хор олох (гэм олох), хор хийх (а. Бусдад хор хүргэх; б. Хорыг найруулах), хор хүргэх (бусдад аюул хөнөөл учруулах) - Тэдний царай сэжиглэхээр байна. Чиний аминд хор хүргэж болно. Монголын нууц товчоо., хор аюул [хоршоо] (гэм уршиг болох зүйл), хор аюул [хоршоо] (гай уршиг болох юм), хор уршиг [хоршоо] (үйл явдлын муу үр дагавар) - Хомхой сэтгэлээр хор уршиг тарьсан өчүүхэн намайг гэсгээ. Н.Лесков. Зовлонгийн далай., хор хохирол [хоршоо] (ямар нэг зүйлийн гэм хөнөөл болон түүнээс гарах гарз) - Таны биед хор хохирол учрахаас өөр ашиггүй. Галидас. Үүлэн зардас., хор хөнөөл [хоршоо] (гай зовлон болох зүйл, хор болох юм) - Хор хөнөөлтэй саналыг эрхбиш өөрчлөх ажаамуу. Галидас. Үүлэн зардас., гэм хор [хоршоо] (аюул хөнөөл, гай уршиг), хор нь могой, ховдог нь чоно [зүйр цэцэн үг] (харгис хэрцгий, ховдог шунахай).