1. Байн байн нүдэх, цохих - Балбын дархны балбаж хийсэн, өөлдийн дархны өнгөлж хийсэн хуучин цахиур буугаа ханын толгойд амраав. Б.Ринчен. Үүрийн туяа., мунаар балбах (мунаар цохих), төмөр балбах (төмөр нүдэх), хаалга балбах (хаалга тогших) - Ямар нэг хүн хаалга балбана. С.Дашдэндэв. Улаан наран;

---

2. [шилжсэн] Зодох - Аягачнаа балбаж байхыг харсан ноён “Энэ маань царай өгөхөөр улам их зантай болж байна даа” гэж бодож байв. С.Удвал. Их хувь заяа;

---

3. [шилжсэн] а. Хувцас хунараа холио сэлгээгүй, хайрлахгүй эдэлж хэрэглэх - Ганц дээлээ хавар намаргүй балбаж дуусгав. И.Дамбажав. Монгол үгийн дээж., гутлаа балбах (нэг гутлаа байнга өмсөх), хувцсаа балбах (нэг хувцсаа үргэлж өмсөх); б. [шилжсэн] Малыг байнга эдлэх - Чөдрийн ганц морио балбасаар байна. Яриа.