1. Нэг өдөр, нэг шөнө нийлж хорин дөрвөн цаг буюу дэлхийн бөмбөрцөг тэнхлэгээ нэг бүтэн эргэх хугацаа - Эрдэнэ ардын засгийн бүрэн эрхт төлөөлөгч болж гарснаас хойш олон хоног хагас нойртой явсан. Ч.Лодойдамба. Тунгалаг Тамир., гуч хоногтой сар (гучин өдөр шөнө бүхий хугацаа), долоо хоног (долоон өдөр шөнө), хоног хураах (үхсэн хүний хойноос бэлэвсрэх хугацаа дуусаж уй тайлах), хоногийн манаа (цэргийн анги, салбарын дотоод дэг журам сахиулах, зэвсэг, байлдааны бусад техник галт хэрэгсэл, байр эд хогшлыг хамгаалах, дотоод албаны бусад үүрэг гүйцэтгэхийн тулд захирагчийн тушаалаар томилдог түр бүрэлдэхүүн), хоног саатах (а. Ямар нэг шалтгааны улмаас ажил хэрэг хоногийн хугацаагаар түр зогсох; б. Өдөржин шөнөжин) - Өвөр Тойлбын нутгаас яаруу мордож, хоног саатан довтолсон морьтон хоёр хүн ... Ар Тойлбын нутагт захлан оров. З.Баттулга. Уяхан замбуутив., өдөр хоног [хоршоо] (хорин дөрвөн цагийн хоорондох хугацаа), сар хоног [хоршоо] (олон өдөр), хоног хугацаа [хоршоо] (цаг хугацаа) - Үлдсэн хоног хугацааг цэцгээр төөлөн бодно. Б.Ринчен. Үүрийн туяа., *хоногийн тоо гүйцэх (а. Гашуудал, бэлэвсрэлийн хугацаа дуусах; б. Хорио цээрийн хугацаа гүйцэх; в. [шилжсэн] Үхэх, насны тоо гүйцэх) - Хоёр далавч ургаагүй болохоор нисэж нэг үзсэнгүй, хоногийн тоо дуусаагүй болохоор үхэж нэг үзсэнгүй. Д.Маам. Газар шороо., *хоногоо тоолох (хоногоо хүлээх) - Би одоо хоногоо тоолж байгаа хүн. Би өөдгүй муу хэрэг хийвэл насаараа хамгийн үнэнч бус амьтан болон хувирахаа урьдаас мэдэж байна. М.Стендал. Улааныхан ба харынхан., *хоногоо хүлээх (хариугүй үхэх дөхөх) - Муу эх чинь хоногоо л хүлээж байна. Ч.Лодойдамба. Өөрийн замаар;

---

2. Шөнө хонох газар: хоног өнгөрүүлэх (айл хэсүүчлэн хонох), хоног тохиолдох газар (унтаж амрах газар), зуур хоногийн газар (замдаа нэг хонох газар), шөнийн бор хоногт (өдрийг арайхийн өнгөрөөж, шөнө нь).