Ховдог, шунаг, долгонцог: хомхой зантай (шунаг зантай), хомхой нүдтэй (бусдын юмыг илүү харах зантай) - Шунамгай хүний нүд нь хомхой, үг нь тэнэмгий. Д.Равжаа. Зохиолын эмхэтгэл., хомхой ховдог [хоршоо] (шунахай, сувдаг), *хомхой элэг өвөрлөх (муу санаа агуулах, муу юм санах) - Ван хан олон удаа Жаха Хамбуг буруушаан өгүүлрүүн: “Чи үргэлж хомхой элэг өвөрлөн байдаг ажгуу” хэмээв. Богд баатар биеэр дайлсан тэмдэглэл., хомхой нүд хорхойд цадна, холч санаа хөгжилд цадна [зүйр цэцэн үг] (холын бодлого эрхэм, ховдог шунахай зан тусгүй гэсэн санаа), хомхой хүн хоёр биетэй болохоос буцахгүй [зүйр цэцэн] (юманд хэт шунахай зан гаргах нь хэрээс хэтэрснийг ёжилсон санаа).