Эрс огцом хөдөлгөөнийг илэрхийлдэг хүч нэмэгдүүлэх сул үг: ховх сорох (а. Үлдээлгүй идэж уух; б. Ховдоглон маш түргэн идэж уух; в. Хоосортол сорох, хэтэрхий уухыг шоодох үг) - Аав нь чөмгийн ясыг ганц цохилтоор ташиж хугалан чөмгийг нь ховх сороод, чөмгийн ясыг нь байн байн ухаж төнхөнө. Ш.Нацагдорж. Мандхай цэцэн хатан., ховх татах (ховхорч иртэл нь татах) - Өрвөн улаан хадыг чинь ховх татаад орно гэхэд хаалга онгойлгож өгөв гэнэ. Халх ардын тууль., ховх цохих (ховхорч унатал нь цохих), ховх талах (хөрөнгө хогшлыг нь хоосортол нь талах, дээрэмдэх).