Хэвлэх


2024-03-28 07:36:13http://mongoltoli.mn/

БАЙШИН

Хүн суух, юм агуулах, мод, туйпуу, тоосго, шавар, чулуу зэргээр барьсан барилга: байшин барих (амьдрах сууц барих) - Нэг нь чулуу шавраар байшин барьж байхад нөгөө нь зам засна. Ч.Лувсанжав. Дамдины бага хүү., давхар байшин (давхарлан барьсан барилга), зуны байшин (зун цагт л амьдрах боломжтой сууц, зуслангийн байр), өвлийн байшин (дулаалгатай, өвлийн улиралд ч амьдарч болох байр сууц) модон байшин (модоор барьсан барилга) - Холбооны модон байшин, хэд хэдэн шавар байшингууд торойн харагдаж байсан юм. Д.Гонгор нар. Д.Сүхбаатарын тухай дуртгалууд., байшингийн мөөг [ургамал] (байшингийн модон хэсгийг ялзруулдаг хөнөөлт мөөгөнцөр), байшин барилга [хоршоо] (тусгай зураг төслийн дагуу барьж босгосон томоохон байгууламж), байшин сав [хоршоо] (амьдрах байр сууц), байшин хүрээ [хоршоо] (барилга орон сууц) - Тэр нэг хуй байшин хүрээ удаан жил хүмүүн эзэлж суусангүй. Эрт эдүгээгийн гайхамшигт сайхан үзэгдэл хэмээх судар., байшин гэрийн сайныг сонгохоор баруун зүүн гэрийн сайныг сонго [зүйр цэцэн үг] (сайн айлыг түшин хөршлөх нь тайван, сайхан амьдрахад хамгаас чухал гэсэн санаа).

--oOo--