1. Үйлдэх, бүтээх: ажил хийх (хөдөлмөрлөх, ажиллах), ан гөрөө хийх (ан агнах, ангаар хөөцөлдөх), аялал хийх (аялалд явах, зугаалах), биеийн тамир хийх (биеийн тамираар хичээллэх), гэм хийх (буруу гажуу хэрэг үйлдэх), гэрийн даалгавар хийх (хичээл дээр үзсэнээ гэртээ бататган давтах), гэрээ хэлэлцээр хийх (гэрээ хэлэлцээр байгуулах), дадлага хийх (сурч мэдсэнээ амьдрал дээр практикт туршиж үзэх), дайн хийх (дайн өдөөх, дайнд татагдан оролцох), дүгнэлт хийх (дүн шинжилгээ өгөх), ёс хийх (а. Мэндлэх; б. Ёс журмыг нь гүйцээх), зам хийх (зам тавих, замтай болгох), засвар хийх (засаж янзлах), зөв хийх (ёс журам, зааврынх нь дагуу хийх), зөвлөгөөн хийх (цуглаж зөвлөлдөн ярилцах), идээ хийх (а. Хоол унд бэлдэх; б. Цагаан идээгээ боловсруулах), мод хийх (а. Мод түлш бэлтгэх; б. Модны дарх хийх), мөргөл хийх (хүндэлж сүсэлж буй зүйлдээ толгойгоо хүргэн ёслох), наймаа хийх (худалдах, худалдан авах), нүгэл хийх (нүгэл болох зүйл үйлдэх) - Би уг нь төрийн хар хүн, тэртээ тэргүй та нарын хэлдгээр их нүгэл хийсэн. С.Удвал. Их хувь заяа., өртөө улаа хийх (өртөөнөөс өртөө хүртэл мэдээ хүргэх, өртөө хооронд хүн хүргэж унасан морийг нь эргүүлэн авч ирэх), саад хийх (саатуулах, садаа болох), сайн үйл хийх (олонд тустай, хүнд хэрэгтэй зүйл хийх), салах ёс хийх (а. Хол явж буй хүнд ерөөл хэлж үдэн мордуулах, холдон явж байгаагаа илтгэн ёс үйлдэх - Монгол залуу оюутан биднийг тоссон манай элчин сайдын нөхөдтэй түр салах ёс хийв. Б.Ринчен. Өмнө этгээдэд зорчсон тэмдэглэл; б. Нас барагсдыг сүүлчийн замд нь үдэж гаргах - Сүүлийн замд нь ийнхүү үдэж салах ёс гүйцэтгэв. Н.Банзрагч. Зам), сургууль хийх (сурахын тул ажиллаж оролдох), тагнуул хийх (тагнан турших), ухуулга ~ таниулга хийх (ухуулан тайлбарлах) - Сүрмааг битгий яв гэж бүгдээр ухуулга хийв. Ц.Дамдинсүрэн. Түүвэр зохиол., тариа хийх (а. Тариураар арьс махны завсар, булчин болон судсанд эмийн зүйл шахах; б. Тариа тарих, суулгах), тоглоом хийх (шоолсон өнгө аясаар хандах, наадам наргиа болгох), төлөвлөгөө хийх (төлөвлөгөө боловсруулах), тус хийх (тус болох, туслалцаа үзүүлэх), тэмцэл хийх (тэмцэх, босон эсэргүүцэх), үгүй хийх (а. Байхгүй болгох; б. Алах, цааш харуулах), хань хийх (хань болгох, хань татах), хичээл хийх (сурч мэдэхээр шамдах), хоол хийх (а. Хоол бэлтгэн боловсруулах; б. Хоол тэжээл болгон хэрэглэх; в. Аар саар зүйлээр хоолших) - Би чиний хар махаар чинь хоол хийх биш дээ халуун цусаар чинь унд хийх биш дээ. Халх ардын тууль., худалдаа хийх (наймаа хийх), хурал хийх (хуралдах), хурим хийх (гэрлэх, хуримын ёс үйлдэх), хүн хийх (хүн болгон хүмүүжүүлэх), хүний үгээр үг хийх (дам сонсон зүйлээ үнэнд бодох), цай хийх (а. Цай боловсруулан үйлдэх; б. Цай чанах; в. Цай аягалах), эсгий хийх (хонины ноосыг зулж нягтруулан эсгий болгох) - Зуны сайхан цагт хангай нутагт эсгий хийх нь нэг ёсондоо баяр наадам байдаг. Ч.Лодойдамба. Тунгалаг Тамир., хийх үйлдэх [хоршоо] (юмыг бүтээн бий болгох), хийх бүтээх [хоршоо] (ажиллах, юмыг шинээр бий болгох), *гар хөл хийх (зарах, ойр зуурын ажилдаа туслалцуулах), *наагуур хийх (аливаа зүйлийг зохих хүнд нь мэдэгдэлгүй өөрийн дураар хийх), *өлмий дороо хийх (эрхэндээ оруулах), *доош хийх (хэн нэгнийг далд утгаар гутаан доромжлох), *эд бад хийх (а. Алах - Бор иргээ сольдог юм уу гэж байтал нядлагч ирж, өнөөх хонинуудыг эд бад хийхээр хөтлөн одлоо. Л.Түдэв. Уулын үер; б. Дуусах, үгүй хийх, барах - Бас л цамцаа уруулж орхиод ирж дээ. Ээ чааваас ... өчигдөр надаас уйлах шахам гуйж авсан хэдэн мөнгөө бас эд бад хийж орхио шив дээ гэв. Э.Оюун. Дорлиг сэрлээ), хийх ч хэцүү байх ч хэцүү [зүйр цэцэн үг] (яамаар ч юм бэ дээ, яахаа мэдэхгүй тээнэгэлзэх), хийвэл хийсэн шиг, хэлбэл хэлсэн шиг [зүйр цэцэн үг] (ажил хэргийг оромдох хэрэггүй гэсэн санаа), ажил хийвэл дуустал, давс хийвэл уустал [зүйр цэцэн үг] (хийвэл хийсэн шиг хийх), хийвэл бүү ай, айвал бүү хий [зүйр цэцэн үг] (хийж эхэлсэн бол заавал дуусга), хэлдэг нь бал, хийдэг нь хор [зүйр цэцэн үг] (хэлэх хийх хоёр нь зөрөх), хэлсэнд нь итгэхээр хийсэнд итгэ [зүйр цэцэн үг] (хэлснээр нь бус хийснээр нь дүгнэ гэсэн санаа);
--oOo--