Морины урд нэг, хойд нэг хөл нэгэн зэрэг газар гишгэлэн явах явдал - Чингис хаан суурин иргэдийг хамх хэмх довтолж хатир сайт морьд, хацар гоо охидыг булааж, алт эрдэнэ, сувд тана, торго магнагийг авч ирдэг байсан. Ш.Нацагдорж. Мандхай цэцэн хатан., хатир сургах (хатир явдалтай болгох), хатиртай морь (хатир явдалтай морь), задгай хатир (чөлөөтэй тавиу хатирах явдал), суман хатир (давхиж байгаа моринд үл гүйцэгдэх маш хурдан хатир), арилжаа хатир ~ удган хатир (гурван хөл нэгэн зэрэг газар гишгэлэн нэгэн зэрэг газраас хөндийрөн тавьдаг уран гоё явдал), араатны хатир хатир биш, архичны үг үг биш [зүйр цэцэн үг] (архичин хүн юу ч ярьж болно, итгэх хэрэггүй гэсэн санаа).