1. Гэр, нутагтаа буцах, эгэх - Гэнгэнэж гунганаж суухын оронд гэртээ харивал барлаа биз, эхийгээ очиж өргөвөл элбэрэл гэдэг тэр биш үү. Ц.Дамдинсүрэн. Түүвэр зохиол., гэртээ харих (гэртээ буцах), нутагтаа харих (нутагтаа буцах);

---

2. Буцаж онгойх: хаалга харих (хаалга дэлгэгдэх, буцаж хаагдах);

---

3. Савны гадна талыг даган урсах, асгарах;

---

4. Хатуу чанар сулрах: төмрийн хат харих (төмрийн хатуу чанар сулрах, төмөр уярах), зориг харих (зориг мохох), эрч харих (эрч сулрах), илч нь харих (илчгүй болох) - Халамж муутай хатуу хойд эхийн сэтгэл шиг илч нь харьсан цонхигор цагаан нар ээнэ. Ц.Уламбаяр. Зовлон жаргал;

---

5. Дарагдах, буурах, багадах, намдах: харих урвал (химийн нэг зүйлийн урвал), хаван харих (хаван буурах), өвчин харих (өвчин намдах);

---

6. [шилжсэн] Буурах, доройтох, ядрах - Нилийн эргийн гурван өндөр цацын орой дээгүүр нар шургаж балчиг халуун харьж, сэрүү татаж эхэлсэн цаг байлаа. Д.Маам. Тэмээний дууль., ид харих (ид чадал буурах), чадал харих (чадал доройтох), нас харих (нас хөгшрөх), *од нь харих (ажил үйлс нь бүтэлгүйтэх, аз хийморь нь үл ивээх);

---

7. [шилжсэн] Ирт юмны ир, үзүүр мятрах: хутганы ир харих (хутганы ир мохох).