1. Үс ноос, өвс ургамал зэрэг хэсэг бусгаар юм уу бөөнөөр зулгаран унах - Эмээлээ бухандаа тохвол үс нь халцарч магадгүй гэж өөрөө үүрч харьсан гэж хүн ярих юм. Ц.Дамдинсүрэн. Түүвэр зохиол., үс халцрах (үс зулгаран унах), өвс ногоо халцрах (өвс ногоо хэсэг газраа тасрах, байхгүй болох) - Начины гэрээс нэлээд зайтай харвах бай цэргийн сургууль хийх талбай, түүн дээр өдөр бүр гишгэлсээр өвс ногоо нь халцарсан ажээ. Ш.Нацагдорж. Мандхай цэцэн хатан;