Шингэн болон үйрмэг, нунтаг зүйлийг хутгах хэрэгсэл - Халбага сэрээ, таваг дуугарч хүмүүс дүнгэр дүнгэр ярилцана. Ц.Уламбаяр. Зовлон жаргал., хоолны халбага (а. Шөлтэй хоол идэх том халбага; б. Хоол аягалах халбага), цайны халбага (цай хутгах жижиг халбага), тунгийн халбага (нунтаг эмийг зохистой хэрэглээгээр нь хуваахад ашиглах тусгай хэмжээ бүхий халбага), халбаган шанага (халбага хэлбэртэй жижиг шанага), хөөргөний халбага (хөөргөнөөс тамхи гаргах зориулалттай, хөөргөний толгойнд залгаатай байдаг халбага мэт зүйл) - Гэтэл хөөргөний халбага нь үхрийн эвэр байсан юм гэнэлээ гэж ярьдаг. С.Лочин нар. Галтай залуу нас., халбага сэрээ [хоршоо] (хоол идэх хэрэглэл), халбага шанага [хоршоо] (хоол идэх болон хоол унд утгах хэрэглэл), *халбага хагарах (хэрэлдэх муудалцах, эв эвдрэх) - Харин Балдуу бид хоёр халбагаа хагалснаас хойш заримдаа тэдний контороор очих сон гэж хорхой минь хүрнэ. Д.Цэдэнжав. Хаврын урь., халбаган шагшуурга [хөгжим] (орос ардын нэгэн зүйл цохивор хөгжмийн зэмсэг, ишинд нь бяцхан хонх зүүсэн модон халбаганы нэр).