1. Ямар нэгэн зорилгоор тусгайлан судлах, сурвалжлах ашигт малтмалын нөөцийг нарийвчилсан судалгааны үе шат: алтны хайгуул (алтны ордыг илрүүлэн судлах нь), газрын тосны хайгуул (газрын тосны ордыг илрүүлэх ажил), хайгуул малталт [хоршоо] (байгалийн эрдэс баялгийг илрүүлж малтах нь), хайгуул судалгаа [хоршоо] (байгалийн баялгийг илрүүлэн шинжлэх судалгааны ажил), хайгуул шинжилгээ [хоршоо] (судлан сурвалжлах ажил) - Хайгуул шинжилгээний сайхан ажилд гарснаас хойш баярлан хөөрч байсан үе олон байв. Ж.Дамдин. Миний монгол;

---

2. Дайсан этгээдийн цэрэг, байр байдлыг сэргийлэн тагнах, сурвалжлан мэдэх зорилго бүхий бүлэг хэсэг цэрэг, жижиг анги - Тал бүр хайгуул туршуул тавин Довчингийн дээрэмчдийн тухай мэдээ авч мөр нь гарсан тухайд явж хөөцөлдөн байлдана. Ч.Лодойдамба. Тунгалаг Тамир., хайгуул анги (эрэн хайх анги), хайгуул тавих (дайсныг тагнах толгойн цэрэг явуулах), хайгуул халхавч (а. Дайсныг хайн сэргийлж, халхлан байлдах толгойн цэрэг; б. [хуучирсан] Өмөг түшиг болгох итгэмжлэх хүчин), хайгуул цэрэг (цэргийн ар талыг хамгаалах цэрэг), хайгуулын салаа (эрэн хайх салаа; тагнуулын салаа).