1. Давхиж яваа морины ам дийлдэхгүй буруу тийш зулран одох: морь хадуурах (морь ам булаан буруу тийш давхих), хадуурдаг морь хазаар таньдаггүй, зөрүүд хүн үг таньдаггүй [зүйр цэцэн үг] (зөрүүд хүнтэй үг ярих хэцүү, зөрүүд хүнд үг дуулгах хэрэггүй гэсэн санаа);

---

2. Гажих: зам хадуурах (явж байсан замаасаа гажих) - Одоогоос зургаан жилийн өмнөх хавар аймагтаа очоод зам хадуурч, төрсөн нутаг Сэрүүн Галттайн төрсөн бууц дээрээ халтихан ирсэн сэн. С.Эрдэнэ. Зүүдний цагаан унага;

---

3. [шилжсэн] Буруу зөрүү ярих, ярьж байсан сэдвээсээ хазайн яриа сунжруулах: үг хадуурах (үг сэдвээсээ гажин өөр зүйл ярих), яриа хадуурах (яриа нэг сэдвээс нөгөө рүү орон үндсэн сэдвээсээ гажих).