1. Нарийн явцуу зай завсар луу юм чихэж тогтоох, шургуулах: гэрийн бүслүүрт өрхний оосор хавчуулах (гэрийн бүслүүрт өрхний оосор шургуулах), хормойгоо хаалганд хавчуулах (хормой нь хаалганд хавчигдах), бүсэндээ хусуур хавчуулах (бүсэндээ морины хусуур шургуулан зүүх) - Хурдан морь уяачид бүсэндээ хадган оосортой урт хусуур хавчуулж, мориныхоо сүүлийг боож байлаа. С.Сосорбарам. Очсын хүрээлэн., сугандаа хавчуулах (сугандаа шургуулан тогтоох); *үг хавчуулах (а. Бусдын хэлсэн үгэнд өөрийн санааг нэмэрлэн дамжуулах; б. Бусдын ярианд үе үе оролцох);

---

2. [шилжсэн] Бусдын орон гэрт түр байх: *толгой хавчуулах (бусдын эрхшээлд багтан ядах, бусдын гэрт түр амь зуух) - Гал түймэр гарснаас хойш гаргуундаа хаягдсан энэ хүн цэвэрлэгчийнд толгой хавчуулах болсон юм. И.С.Тургенев. Ангуучны тэмдэглэл;

---

3. [шилжсэн] Хэрэгтэй хэрэггүй явдалд оролцох, хов живэнд өртөх: *хов живэнд хавчуулах (хов живэнд өртөх, хов живэнд хутгах) - Завсарт нь үрэгдэж хов живэнд хавчуулбал түвэг. С.Удвал. Их хувь заяа., *хормойдоо салхи хавчуулах (тэнэх, хэсүүчлэх, дэмий сэлгүүцэх).