1. Хаван бий болох, элдэв өвчний үед цусны эргэлт хямарснаас арьс, эд эрхтэнд шар ус нэвчих - Жав гуай зовхи нь хөх няц болон хавагнаж ухархайдаа хонхойн ширгэсэн гэрэлгүй нүдээр гэрийн доторхыг тойруулан харах гэж ихэд хүндэрсэн толгойгоо арайхийн эргүүлэв. С.Эрдэнэ. Өвгөн шувуу., бие нь хавагнах (бие нь хавантай болох) - Сүүлдээ Дамдинсүрэн бие нь хавагнаж, амьсгаа нь давхцан гэнэт муудаж, хоол унднаас ч гарлаа. С.Удвал. Их хувь заяа., хөл хавагнах (хөл хөөх, хөл хаван ихтэй болох);

---

2. Хавж оёсон юм энд тэндээ үрчийх, тумбан бий болох: дээлийн оёо хавагнах (дээлийн дотор нь таталдаад өнгө нь тумбайж орхих) - Дээлийн дотор нь татаад өнгө нь хавагнаж орхижээ. И.Дамбажав нар. Монгол үгийн дээж.