Хүүхэд, хүний хойч үе: үрийн үрд (мөнхөд, хэзээд, үр ачид тасралтгүй уламжлан), үр ач [хоршоо] (өөрийн хүүхэд болоод хүүхдийн хүүхэд) - Та миний үр ачийн төлөө буян үйлдэгдтүн. Монгол ардын домог үлгэр., үр бэр [хоршоо] (хүүгийн эхнэр, өөрийн охин болсон бэр) - Хүндэт ураг та бүхний үр бэр болсон хүүхэндээ … Хуримын ерөөл., үр зулзага [хоршоо] (а. Өөрийн төрүүлсэн хүүхэд; б. Амьтны төл) - Дэлхийн амьтны үр зулзагад хамгийн хөөрхөн нь юуны үр юм бэ? Монгол ардын үлгэр., үр төл [хоршоо] (амьтны зулзага) - Үр төлөө үүрд идэж явна гэж бурханд тангарагласны харгай. Монгол ардын домог үлгэр., үр угсаа [хоршоо] (хүүхэд, хойч үе) - Хаан, хуучин сурвалжит сайдын үр угсааны хүмүүсээс эрхэлсэн сайдыг тавихгүй. Ш.Нацагдорж. Мандхай цэцэн хатан., үр удам [хоршоо] (үр угсаа), үр хүүхэд [хоршоо] (нас бага хүн, хүний хойч үе) - Хүн төрөлхтний алтан хэлхээ болсон үр хүүхэд гэгч ёстой эхийнхээ ариун хэвлийд л ийм байдаг болов уу гэмээр бодогдоно. Д.Намдаг. Цаг төрийн үймээн., *үрийн зулай үнэрлэх (үр хүүхэдтэй болох), үр удамгүй хүн үндэсгүй модтой адил [зүйр цэцэн үг] (үр хүүхэд чухал гэсэн санаа), эхийн санаа үрд, үрийн санаа ууланд [зүйр цэцэн үг] (эхийн сэтгэл ямар ч үед үрийнхээ төлөө) - Гэтэл эхийн санаа үрд, үрийн санаа ууланд гэгчээр хүү чинь одоо чиний хайр халамжийг шүтэхийн оронд дан биеэр боловч тусгаарлахыг бодох дог оо. Д.Намдаг. Үр тариа., үртэй хүний гол хоёр тасардаг [зүйр цэцэн үг] (үртэй хүн ямагт үрийнхээ төлөө байдаг), үртэй хүн үхэж чаддаггүй [зүйр цэцэн үг] (үртэй хүн ямар ч зовлонг даадаг гэсэн санаа) - Гэвч үртэй хүний гол хоёр тасардаг гэж ярьдаг бөгөөд бас хүн бүр өөрийгөө аль болох зөвтгөхийг хичээдэг. Ч.Лодойдамба. Тунгалаг Тамир., үр өсөж эр болох, үрээ өсөж хүлэг болох [зүйр цэцэн үг] (эрийг бүү бас гэсэн санаа), үртэй хүн мөртэй явдаг [зүйр цэцэн үг] (үртэй хүний удам тасрахгүй гэсэн санаа).