1. Юмны үнэ ханшийг тогтоох: бараа үнэлэх (бараанд үнэ тогтоох), хөрөнгө үнэлэх (хөрөнгөнд үнэ тогтоох), биеийн хүчин үнэлэх (а. Ажил хөдөлмөрийн мөнгөн үнэлгээг тогтоох; б. Хөлсний ажил хийх), *биеэ үнэлэх (а. Биеэ тоох; б. Үнэ хэлэлцэн бусадтай явалдаж мөнгө олох);

---

2. [шилжсэн] Үйл ажиллагаа ба зохиол бүтээлийн амжилт, чанарыг тодорхойлох: үнэлж баршгүй (үнэ тогтоож боломгүй) - Үнэлж баршгүй сонгодог бүтээл туурвих байсан гэдгийг ч, олон жилийн турш миний гар бичмэл байсныг нь ч мэдэх юм. “Цог” сэтгүүл., өндрөөр үнэлэх (амжилт, үр дүнг сайшаан тодорхойлох), хүчин зүтгэлийг үнэлэх (тухайн ажил хэрэгт зүтгэсэн гавьяаг нь урамшуулах) - Өчүүхэн зүтгэснийг ихэд үнэлэн эрдэнийн одон шагнасанд ихэд баярласнаа эрхэм хүндэт элчин танд илэрхийлэн мэдүүлье. С.Удвал. Их хувь заяа., үнэлэх дүгнэх [хоршоо] (үнэлэлт дүгнэлт өгөх), үнэлэх цэгнэх [хоршоо] (юмны үнэ цэнийг тодорхойлох), үнэлэх цэнэлэх [хоршоо] (а. Юмны үнэ өртгийг тогтоох; б. [шилжсэн] Ховор нандин чухаг хэрэгцээтэй гэж үзэх), үгээр нь үнэлэхээр үйлээр нь үнэл [зүйр цэцэн үг] (хүний үг хэл худал байж болно, үйл хөдлөл нь үнэн байдаг гэсэн санаа).