1. Хэрэглэсэн юмнаас илүү гарах: мөнгө үлдэх (мөнгө зарцуулаад цаана нь илүү гарах) - Үүнээс зуу шахам хоногийн элдэв хэрэглэлээс үлдэх мөнгө бол хоёр зуун тавин лан. Ардын заргын бичиг;

---

2. Зориуд хоцрох, явахыг дургүйцэн хоцрох: гэртээ үлдэх (гэртээ хоцрох) - Ханд гуайтай хоёулаа гэртээ үлдэх цагт их хэцүү байдаг байсан. С.Удвал. Та бид уулзана., үлдэх хүнээр ачаа бүү татуул, үргэх мориор эсгий бүү татуул [зүйр цэцэн үг] (хариуцлага хүлээхгүй хүнээр ажил бүү хийлгэ гэсэн санаа);

---

3. Сэтгэл санаанд байнга хадаатай байх: сэтгэлд үлдэх (сэтгэлд хоногших) - Тэр зураг бол зөвхөн сэтгэлд хоногшин үлдэх амьд дүр билээ. Л.Дашням. Нялх ногоо;

---

4. Хувь заяаны эрхийг дагах: амьд үлдэх (амьд хоцрох, амьд гарах), бэлэвсэрч үлдэх (ханиа алдах, бэлэвсэн болох), өнчин үлдэх (өнчин хоцрох, өнчин болох) - Өнчин үлдэх үйлтэй юм байж дээ гээд санаа алдав. Н.Банзрагч. Зам., өртэй үлдэх (өртэй хоцрох, өртэй болох).