1. Хус модны дурс: үйс хулдах (нум зэрэгт үйс наах), үйс хуулах (хусны үйсийг нь хуулж авах) - Бүстэйчүүд хусны үйс хуучиж аргал түлээ базаав. Б.Бааст. Алтайн хөх дөнөн., үйс түйс [хоршоо] (юу ч үгүй, үндсээр нь) - Та бид гурвыг үйс түйсээр нь тэмтэрлээ гэж зүүдэлжээ. Торгууд захчин ардын үлгэр тууль;

---

2. Үйсээр хийсэн - Бас баруун ташаанд нь цалин цагаан мөнгөн тоногтой үйсэн бариулт хутга, хар сайран бүрээст хуйндаа дүрээстэй доош унжганан явааг яана. Д.Намдаг. Цаг төрийн үймээн., үйсэн бөглөө (үйсээр хийсэн бөглөө), үйсэн түүс (үйсээр хийсэн сав), үйсэн хувин (үйсээр хийсэн хувин), өвгөн насандаа сурсан эрдэм үйсэн дээр бичсэн бичиг мэт [зүйр цэцэн үг] (эрдмийг насны залууд сурсан нь дээр гэсэн санаа).